સચ કા સામના – રિષભ મહેતા
[‘નવનીત સમર્પણ’ મે-2010માંથી સાભાર.]
ઊભા છો આપ કે અટકી ગયા છો ? લો, જવાબ આપો.
હજી નીકળ્યા જ કે પહોંચી ગયા છો ? લો, જવાબ આપો.
નથી સમજી શકાતું ખુશનુમા ચહેરો નિહાળીને
હસ્યા કે આપ આંસુ પી ગયા છો ? લો, જવાબ આપો.
હજી ગઈ કાલ સુધી ફૂલને ઓળખતા પણ નો’તા
અચાનક આજ કાં મહેકી ગયા છો ? લો, જવાબ આપો.
તમે ખીલી શક્યા છો, માત્ર એક શરૂઆત છે આ તો,
કઈ વાતે તમે બહેકી ગયા છો ? લો, જવાબ આપો.
જુએ છે બાગ તમને આજ પણ શંકાભરી નજરે,
હતા નિર્દોષ કે છટકી ગયા છો ? લો, જવાબ આપો.
તમે માણસ બન્યા એવી અહીં ઊડતી ખબર આવી
તમે કોનાથી આખર બી ગયા છો ? લો, જવાબ આપો.
યહાં હર રોજ કરતા હૈ સૂરજ ભી સામના સચ કા-
થતાં સંધ્યા જ ક્યાં ડૂબી ગયા છો ? લો, જવાબ આપો.
Categories: ગઝલ
“તમે માણસ બન્યા એવી અહીં ઊડતી ખબર આવી
તમે કોનાથી આખર બી ગયા છો ? લો, જવાબ આપો”
વાહ…..વાહ…!!!!
by જગત દવે on Jul 18, 2010 at 10:27 am
ખુબજ સરસ કાવ્ય….
by Rachana on Jul 18, 2010 at 10:37 am
તમે ખીલી શક્યા છો, માત્ર એક શરૂઆત છે આ તો,
કઈ વાતે તમે બહેકી ગયા છો ? લો, જવાબ આપો.
તમે માણસ બન્યા એવી અહીં ઊડતી ખબર આવી
તમે કોનાથી આખર બી ગયા છો ? લો, જવાબ આપો.
હર કોઈને ઢંઢોળી મૂકે તેવી શાનદાર ગઝલ.
by રાજેશ જોશી 'આરઝુ' on Jul 18, 2010 at 10:40 am
કેવી રીતે રચો છો તમે આટલી સુંદર ગઝલ? લો, જવાબ આપો.
નયન
by nayan panchal on Jul 18, 2010 at 8:23 pm
“યહાં હર રોજ કરતા હૈ સૂરજ ભી સામના સચ કા-
થતાં સંધ્યા જ ક્યાં ડૂબી ગયા છો ? લો, જવાબ આપો”
પહેલી પંક્તિ હિન્દી અને પછી ની ગુજરાતી .. લો, જવાબ આપો
by dhiraj on Jul 19, 2010 at 12:42 pm
ઝૂમી રહ્યાં છે સૌ આપના શબ્દ તરંગોથી.
કોણ છે પ્રેરણા આપની? લો, જવાબ આપો.
by Pravin V. Patel [USA] on Jul 20, 2010 at 2:00 am
ખુબ જ સરસ કાવ્ય છે
by PAYAL SONI on Jul 20, 2010 at 6:29 pm